Pe'ā Maliu se Tasi - 'O SE TA'IALA MO LE 'AU'AUNAGA O SU'ESU'EGA O MALIU I NIU SILA
Anofale
- 'Upu Tomua
- 'O Itūlā Muamua e 24
- Tagata e A'afia
- Mana'oga o le 'Āiga
- Aiaiga ma Faiga
- Māfua'aga o le 'Auai o Leoleo i se Maliu
- Tiute o le Tagata Su'esu'e Maliu
- Su'esu'ega o le Tino Maliu
- Su'esu'ega
- Su'esu'ega Fa'afa'amasinoga
- Pule i le Ola
- Matā'upu Fa'atino
- Lagolago mo 'Āiga Fa'anoanoa
'O le 'Au'aunaga mo le Su'esu'ega o Maliu i Niu Sila e tautua ai tagata lautele i le taimi o su'esu'ega ma le pogai o le maliu i se 'auala talafeagai ma le aga fetaui fa'alesu'esu'ega. 'O lipoti 'ua maua i nei su'esu'ega 'ole'ā fa'aaogā mo fautuaga 'ina 'ia fa'aleleia ai le saogalemū o tagata lautele ma puipuia ai le toe tutupu o ni maliu i itū'āiga mea e tutusa fa'apea.
Tatou te o'o 'uma i lagona fa'anoanoa pe'ā maliu se tasi tatou te alolofa i ai i le fa'agāsologa o lo tatou olaga. 'O le to'atele o i tatou 'ua tatou fefefe i le oti, ma 'alo 'ese mai ai; 'a'o nisi o i tatou 'o se matā'upu e sā ona talanoaina. 'Afai e maliu fa'afuase'i se tasi tatou te alolofa i ai, i se 'auala fa'afuase'i, e le mafai ona fa'amaninoina pe mata'utia fo'i, o 'āiga ma uō o soifua pea e māsani ona ofo, ita ma matuitui le tigā. 'O se isi fa'aopoopoga, e ono fa'aopoopo se tauivi pe fa'apefea ona feagai ma gaoioiga fa'aletulāfono fa'apea le loto fa'avauvau (natural grief). 'Afai 'ua iai se su'esu'ega a Leoleo po'o le Tagata Su'esu'e Maliu, 'ole'ā ātili fa'a'umi'umi ai le fa'anoanoa pei ona iloilo molimau ma e ono fa'amāonia e se molimau.
E le gata i le loto fa'avauvau, tumu i le fa'anoanoa, ma, i nisi taimi, 'o le ita 'ona 'o le maliu, 'ae e ono iai fo'i ma o'otiaga pe mata e mafai ona fai se sāuniga fa'anoanoa mo le 'ua pele, ma sauniuni mo le tanuga fa'atatau i tū ma aganu'u fa'apea talitonuga fa'alelotu. 'O Niu Sila 'ua iai le tele o fa'atuatuaga ma tū 'ese'ese, ma o 'Au'aunaga o Su'esu'ega o Maliu a Niu Sila e finafinau 'ina 'ia fa'atāua 'ese'esega o tū ma aga ma 'ia gālulue ma 'āiga 'ina 'ia mautinoa le fa'amālosia le su'esu'ega
